Twitter Kya Hai Aur Twitter Par ID Kaise Banayein

Aap ne kayi baar TV par ya Newspaper pe suna hoga ki kisi Actor ne ya Cricketer ne ya kisi Politician ne Tweet kiya, ya Twitter par kuch trending chal raha hai. Magar aapko pata nahi hai ki Twitter asal mein hota kya hai toh aap is article ko dhyaan se padhein.

Advertisement!

Umeed karna hoon ki is article ke end tak aap samajh jayenge ki Twitter kya hai aur ise istemaal kaise karte hain.

Twitter ek Social Media site hai jo 2006 mein start hui thi. Jab yeh start hui thi toh yeh ek Microblogging Platform ke maqsad se banayi gayi thi jahaan log apni roz marra ki zindagi ke baare mein 140 characters mein Internet par post kar sakein.

Twitter Kya Hai Aur ID Kaise Banaye

Aur log ek doosre ko follow karke unke yeh updats padh saktein. Twitter pehle kuch salon tak mainly isi cheez ke liye use kiya jata tha jahaan par log random cheezein likhte the, jaise aaj unhone kya khaya, kahan gaye etc.

Twitter ab use kiya jata hai Celebrities dwara fans aur followers se connect hone ke liye

Waise toh aaj bhi population ka kuch percentage Twitter ko aise hi istemaal karta hai, Magar Twitter ek bohot hi popular Social networking site ke roop mein ubhar kar aya jisne famous logon ko, jaise ki Sportspersons, Politicians, Celebreties, aur even Businesses ko ek platform diya jahan woh apne followers se directly connect ho sakein.

Advertisement!

Jaise India mein Prime Minister Narendra Modi se lekar Bollywood Actor Shah Rukh Khan Twitter par apne followers ke saath directly connect ho sakte hain aur apni baat unke saamne rakh sakte hain.

Pehle in logo ko TV Channels par nirbhar rehna padhta tha, agar inke baare mein kuch ulta seedha likha jata tha toh apni safai dene ke liye unhein Media Channels par jana padhta tha, aur ab yeh log keval ek Tweet karke apni baar karodon logo ke saamne la sakte hain.

Twitter use kiya jata hai Businesses dwara Custom support dene ke liye aur announcement karne ke liye

Jaise Celebreties Twitter ka istemal logon se connect rehne ke liye kerte hain, bohot si companies apne customers ki problems sunne ke liye Twitter par rehti hain, aur aap unse directly connect ho sakte hain.

Yeh companies apni product, services etc ki announcement logo tak pohochane ke liye bhi Twitter ka istemal karte hain.

Twitter kaise kaam karta hai

Twitter itna popular isliye hai kyoki post karna bohot hi asaan aur fast hai, Aapko keval 140 characters mein kuch likhna hota hai, aap uske saath koi phto ya link bhi share kar sakte hain aur aapko jo bhi log follow karenge un tak woh tweet pohoch jaati hai.

Smartphones ke chalte har aadmi aur aurat tak aapki twitter seconds mein bohot jaati hai. Isliye aap kahin bhi aur kabhi bhi kuch bhi post kar sakte hain.

Twitter ka Account Kaise Banayein

Twitter ka account aap do tareeke se bana sakte hain,

  1. Ya toh aap desktop par unki website par jakar Twitter par account bana sakte hain,
  2. Ya fir aap apne Mobile mein Twitter app install karke waha sign up kar sakte hain.

Twitter Account Banayein

Yeh hai Twitter ka Homepage. Jab aap Twitter par jate hain toh aap top right par ‘Sign Up’ ka option dekh sakte hain.

Uspar click karke aapko next page par apna naam, email address aur password bharna hai.

Twitter Account Banayein01

Next par page aapko apna username choose karna hai. Username unique hona chahiye, aap apna naam use kar sakte hain, magar kyoki Twitter par karodon log account bana chuke hain, aapke naam mein aapko kuch aur add karna hoga.

Note: Aapko apna email confirm karna hoga, Twitter apko email confirmation karne ka link email karega.

Jaise agar aapka naam Chander Prakash hai. toh aap aise username bana sakte hain

  • @ChandarPrakashTweets 
  • @BeingChanderPrakash
  • @IAMChander
  • @iChander 
  • @iPrakash

Yeh keval examples hain, aap aisie hi kuch bhi unique Tiwtter userid bana sakte hain. 

Tiwtter apko option deta hai pehle se hi kuch acount follow karne ki, aap usko skip bhi kar sakte hain ya abhi follow karke baad mein jiski Tweet apko nahi dekhni usko unfollow kar sakte hain.

Aap directly Mobile app se bhi Sign up kar sakte hain, agar Twitter installed nahi hai toh Android ke liye Play Store  aur iPhone ke liye App Store se Twitter install kar sakte hain.

Android Mobile aur iPhone par Twitter signup ka tareeka lagbhag same hi hai. Dono mein aapko apna Mobile number verify kerna hota hai aur saare step by step apna Naam, Email aur Password barna hota hai,

Fir aap apne interest ke anusaaar baaki accounts ko follow kar sakte hain.

Mobile se signup karne ke steps Neeche screenshots mein dikhaye gaye hain.

Twitter Kaise Istemal Karein

Jab aapka account ban gaya hai, ismein apne profile ko edit karke aap apniDisplay photo, Cover page etc lag sakte hain, yeh aise hi lagaye jaate hain jaise aapne Facebook par lagaya hoga.

Fir aap kuch bhi Tweet kar sakte hain. Magar yaad rahe ki yeh Facebook nahi hai, aur yaha apne friends added nahi hain aur naa hi koi friend request hoti hai.

Sirft 2 main baatein yaad rakhne ki hain,

  • Aapko koi bhi follow kar sakte hai,
  • Aap kisi ko bhi follow kar sakte hain.

Jiska malab hai aapki Tweet har koi padh sakta hai (agar aapne apni tweet protect nahi ki hui hai)

Toh kuch interesting cheezein Tweet karein, jaise Jokes, kuch funny incident etc. Agar aapko kuch khaas followers nahi hai, ya jaise aapne nata Twitter account banaya hai toh aapka koi bhi follow nahi hoga, toh Tweet karne mein zyada maa nahi aayega, oyki aapko uske reply nahi milegne.

Isliye Doosron ke tweets padhein, unke Tweets ka reply karein, aapko jis cheez par interest hai usi topci se related logon ko follow karein. Kuch dino mein aapko Twitter interesting lagne lagega aur aap jaan payenge ki log Twitter ki itne Fan kyon hain.

Aur haan, agar aap Twitter ID banate hain toh aap @JaaniyeIN ko follow karna na bhoolein. 🙂

Yeh Video Dekhein?

Advertisement!


LEAVE A REPLY

Please enter your comment!
Please enter your name here