Exam Ke Samay Padhai Karne Ka Sahi Tareeka!

Waise aap sab ne ye quote to suna hi hoga ki “Hard work is the key to success”. But mujhe aisa lagta hai ki hard work ke saath-saath smart work bhi bahut zaruri hai.

Advertisement!

Tabhi aap aage badh payenge. Aaj kal to students itna busy rehte hain apne cell phones me aur apni personal life me ki wo padhai ko zyada waqt dena hi nahi chahte hain.

exams-ke-liye-padhai-karne-ka-sahi-tareeka

Roz ka yahi rehta hai ki aaj se nahi ab kal se pakka padhenge lekin wo kal kabhi nahi aata hai. Mai bhi ek student hun aur mujhe pata hai ki ye kitna mushkil hota har ek student ke liye.

Par iska bhi ek solution hai.. aur aaj ke iss article me aap sab ko is cheez se wakif karaungi. Jaisa ki aap sab jaante hain ki kisi bhi kaam ko karne ke liye pehle to serious hona zaruri hai.

Agar aap saal bhar masti karenge aur last me aap exam ke ek din pehle padhenge to aap kabhi bhi utna score nahi kar payenge jitna aapne socha hai. Exam ke ek din pehle padhne se aapko kuch haasil nahi hoga apni life me.

Advertisement!

Exam ke ek din pehle padh ke paas ho jana mehez ek paas hone ka tareeka hai. Ye aapki life me kuch changes nahi layega. Aksar log chahte hain ki wo ache marks laaye aur unhe class me teachers se tareefein milen.

Mai aaj aapko kuch aise tips dungi jisse aap roz padhai kar sakte hain aur wo bhi poore concentration ke saath aur isme aapko maza bhi ayega . Aap apni class me bahut acha score kar sakenge aur sabke favourite ban jayenge. To ab baari hai kuch tips ki…

Time Table

Agar aap bina time Table ke padhna start karenge to aap apne saare subjects ko cover nahi kar payenge. Padhne ka sabse acha tareeka hai ki aap apna subject wise time table banaye.

Agar aap ache marka sacore karna chahte hain to aapko roz padhai karni hogi. Exam ke ek raat pehle jaag kar padhai karne se behtar hai ki aap roz-roz padhai karen.

Isse aapke upar pressure nahi hoga aur aap dheere dheere apne saari topics aur subjects cover kar lenge. Time Table ke saath saath ye cheez bhi zaruri hai ki aap apne study material ko saath lekar hi baithen.

(For Example:- books,copy,water,pen ,etc). Agar aap ye sab cheezein lekar baithte hain to aapko baar baar uthna nahi padta hai aur aap disrupt nahi hote hain.

Social networking sites se bachaav

Agar aap sach me padhna chahte hain aur ache marks laana chahte hain to aapko sabse pehle padhte waqt ye dhyaan dena hai ki aap apna phone switch off kar den ya fir Airplane mode me daal den.

Isse aapko beeche beech me disturbance nahi hoga. Aksar aisa hota hai ki aap mann laga kar padhne ki koshish karte hain aur usi waqt ya to kisi ki call aa jaati hai ya kisi ka msg aa jata hai aur aap distract ho jate hain.

Aise distractions se aapka mann padhai ki taraf se hatt jata hai aur aap apne phone me hi busy reh jaate hain.Usi beech me aap ko selfie bhi leni hoti hai.. bhook bhi lag jaati hai..aur tv bhi dekhna hota hai..aur aise karte karte aapka padhai ka saara waqt barbaad ho jaata hai .

To doston is ka solution hai ki aap padhai ke waqt apne phone bhool jayen aur use switch off krde.

Take Breaks

Agar aap zyada Lambe waqt ke liye padhna chahte hain to aapko beech beech me breaks lete rehna chahiye. Isse aap kaafi Lambe waqt tak padh sakte hain.

Aksar aisa hota hai ki aap 1-2 ghante padhne ke baad bore ho jate hain to uss waqt aapko thodi der ka break lena chahiye. Isse aapka mind fresh ho jaata hai aur aap fir jab padhne baithte hain to aapka concentration bana rehta hai.

Lekin doston break sirf 10 minutes ka hi hona chahiye. Aap aisa na karen ki aap ek ghante padhne ke baad ek ghante ka break le lein.

Challenge yourself and awards

Agar aap kisi bhi topic ko padhte padhte thak jaate hain aur tab bhi wo topic aapka na prepare ho raha ho to aap khud ko challenge kariye. Isse ye hota hai ki aap apne topic ko sahi time pe khatam kar paayenge.

Khud ko challenge karne se padhai me kaafi sudhaar hota hai. Agar Aap khud ko challenge den ki aapko ye topic itne waqt me khatam karna hai.

Aur iske baad isi ke basis pe khud ko award ya punishment dein.

(For example:- aap un cheezon ki list banaye jo aapko pasand hai.. jaise ki WhatsApp use krna, Tv dekhna , songs sunna ,etc aur aap ek aur list banaye jo punishment ki ho jaisi ki ek ghante aur padhai karna bina break ke , tv na dekhna , subha jaldi uthna ,etc .

Aur agar aap apne diye huye time me apna topic khatam kar pa rahen hain to aapko reward milega aur agar aap nahi kar paaye to aapko punishment milegi).

Ye ek bahut accha tareeka hai exam time me padhai karne ka . Isse aap ka time bilkul bhi nahi Barbaad hota hai.

Change subjects

Agar aap ek hi subject zyada der tak padhte hai to aapka mann hatne lagta hai… Aur aapka mann karta hai ki aap ab padhai na kren. To iska ek accha tareeka hai ki aap subjects change karte rahen .

Isse aap bore nahi honge aur isi bahane aapke different subjects bhi tayyar ho jayenge.

To doston ye the kuch aise tips jisse aap padhai me mann laga sakte hain aur exam me ache marks paa sakte hain. Doston padhai karte waqt aap jitne distractions ko avoid kar skte hain utni hi acchi baat hai. Isse aapka concentration bana rehta hai aur aap padh paate hain.

Advertisement!

Agar aap ye tips follow karte hain to aap jald hi ban jayenge apne class ke top students me se ek aur teachers ke favourite student.