Aadhaar Card Kaise Payein 10 Din Ke Ander

Agar aap pehle Jaaniye.com visit kar chuke hain toh aapko yaad hoga ki humne Aadhaar Card Kaise Banwayein naam ka ek article publish kiya tha, us article mein hamne aapko sara process bataya tha ki kaise aap Aadhaar Card ke liye apply kar sakte hain.

Advertisement!

Waise toh normally Aadhaar Card apply karne ke baad use paane mein 1 maonth se zyada ka samay bhi lag jata hai. Magar is article mein mai aap ko batana chahta hoon ki kaise aap Aadhaar Card pa sakte hain keval 10 din ke ander.

Aadhaar Card Apply Karein

Adhaar Card Apply karne ke liye aap hamari complete guide padh sakte hain.

Guide ke 3 important steps hain

  1. UIDAI Website par jakar Appointment Lena
  2. 1 Photo ID Proof ( Driver’s Liscense, Voter ID Card, Pan Card, Passport etc)
  3. 1 Address Proof (Driver’s Liscense, Voter ID Card, Passport, Electricity Bill, Bank Passbook)

Bas aapko nirdharit samay aur jagah par jakar apply kar dena hai.

Aadhaar Card 10 Dino Mein Kaise Payein

Ab yeh point main hai, toh is dhyaan se padhein.

Advertisement!

Form bharte samay aap jo Email ya Phone denge, agar aapka form sahi se bhara hoga toh 7 dino ke ander aapko message ajayega ki aapka Aadhaar Card ban chuka hai.

Printed Aadhaar Card ko aapke address par aane mein 30 se 45 din lag sakte hain. Toh aap UIDAI ki website par jakar apna aadhaar card download kar sakte hain.

Aapka Aadhaar Card PDF format mein hoga aur password protected hoga.

Aapke aadhaar card ki pdf ka password aapka postal code hoga jo aapne Form bhaste samay diya hoga.

For example: 

Agar aap Chandni Chowk mein rehte hain toh Aapke Aadhaar card ka password hoga 110006 (jo Chandni Chowk ka postal code hai) 

Aadhaar Card Print Kar Lein

Ab aap apne aadhaar card ki pdf file ko pen drive ya mobile mein save karke, nazdeeki cyber cafe se print karwa sakte hain.

Agar aapko apna Aadhaar Card ATM Card jaise plastic par print karwana hai toh aap online kar sakte hain.

PVCAadhaar.in ek website hai jisse aap apna aadhaar card print karwa sakte hain aur yeh aapko 2 se 3 din mein deliver ho jayega.

Advertisement!

Toh yeh tha tareeka Aadhaar Card ko keval 10 din ke andar paane ka. Umeed hai aapko article pasand aya hoga.